A Área de Xuventude do Concello de Rianxo organiza este verán de 2023 unha nova edición do Campamento de Teatro, que ten o obxectivo de achegar lecer creativo neste tempo de vacacións e, tamén, de impulsar novos talentos locais. Dirixido a mocidade de 12 a 17 anos, realizarase en Rianxo do 3 ao 14 de xullo, de luns a venres, en horario de 10.00 a 14.00 horas, nas instalacións do Centro Social Liceo.
Durante o campamento levaranse a cabo actividades de interpretación, creación, improvisación, radioteatro, xogos, saídas e moito máis.
As persoas interesadas xa poden facer a súa inscrición a través da ligazón habilitada polo Concello.