Foi un particular quen puxo en coñecemento do acontecido ao 112 Galicia, minutos antes das 11 horas: un home que estaba na praia de Castro, no lugar de Aguiño, permanecía inmóbil ante os intentos do alertador para interactuar con el.
Entón, desde o 112 Galicia solicitouse a colaboración neste operativo de Urxencias Sanitarias de Galicia-061, de Salvamento Marítimo, do Servizo de Gardacostas de Galicia, do Grupo de Apoio e Emerxencias de Ribeira e da Policía Nacional e Local.
Cando chegou ao areal, o persoal sanitario comprobou que a persoa estaba agora nadando a unha importante distancia da costa. Polo tanto, pediron a intervención de medios de rescate.
Finalmente, un veleiro que navegaba pola zona recolleu ao implicado, visiblemente desorientado, e que sería trasladado a terra nunha lancha de rescate da Cruz Vermella e, a continuación, en ambulancia ao centro hospitalario de referencia.
