O Concello de Outes, a través da súa Área de Cultura, vai organizar este mes de xullo a segunda edición do encontro musical de acordeóns Teclas e Botóns. Será na Casa da Cultura de Outes, o venres 16 de xuño ás 20.30 horas.
Actuarán a Aula Permanente de Música Tradicional do Campus de Pontevedra, a Escola de Instrumentos Populares Galegos Suso Vaamonde de Caldas de Reis, a Asociación Amicos da Música de Salceda de Caselas, a Agrupación Folclórica Tequexetéldere da Estrada, a Escola Municipal de Música e Baile Tradicional do Concello de Outes, a Asociación Cultural A Fuliada de Betanzos e o Grupo Folclórico Hai que Roelo de Cuntis.
