Tras dous anos da súa ordenación como bispo auxiliar de Santiago, Francisco José Prieto Fernández (Ourense, 1968) este sábado 3 de xuño ocupará a cátedra compostelá para a que foi nomeado polo papa sucesor de Monseñor Julián Barrio Barrio como novo Arcebispo Metropolitano de Santiago de Compostela.
O acto de toma de posesión terá lugar este sábado as 11 da mañá na Catedral Metropolitana de Santiago. O acto contará con presenta de 30 bispos e estará limitado á presencia de 800 persoas que solicitaron previamente a asistencia e contará con representación da sociedade galega en todo los aspectos.
Coa toma de posesión de Monseñro Prieto Santiago contará amais cun arcebispo emérito Monseñor Xuñián Barrio Barrio que ocupou o cargo desde 1996, transcurriron pois 27 anos e 98 días desde a súa toma de posesíon.
A chegada de Francisco Prieto a Santiago como bispo auxiliar produciuse no 2021, para cubrir a vacante deixada polo anterior auxiliar, Jesús Fernández, nomeado bispo de Astorga, e para reforzar a cúpula da Igrexa galega precisamente para a celebración do ano santo. Prieto, que anteriormente desenvolvera a práctica totalidade da súa traxectoria en Ourense, recibiu a mitra na Catedral de mans de Julián Barrio o 10 de abril do 2021, polo que leva menos de dous anos no cargo, o que determinaba a priori unha circunstancia, a súa curta experiencia, que xogaba na súa contra de fronte ao ascenso.
Francisco José Prieto é licenciado en Teoloxía Patrística pola Facultade de Teoloxía da Universidade Gregoriana de Roma (1992-1994) e doutor en Teoloxía Bíblica pola Facultade de Teoloxía da Universidade Pontificia de Salamanca (2008). O 28 de xaneiro de 2021 o papa Francisco nomeouno bispo auxiliar de Santiago. A súa ordenación episcopal tivo lugar o sábado 10 de abril. Anteriormente, Prieto desenvolveu o seu ministerio pastoral na diocese de Ourense. Alí era, ata o momento do seu nomeamento en Santiago, capelán do mosteiro de San José (Clarisas) e vigairo episcopal para a Nova Evanxelización de Ourense. Compaxinou esta actividade pastoral coa docencia no Instituto Teolóxico Divino Mestre de Ourense como profesor de Patroloxía e Orixes do Cristianismo; de Metodoloxía Científica, de Cristoloxía e de Marioloxía. Foi profesor convidado no Instituto Teolóxico Compostelán e director do Centro de Ciencias Relixiosas San Martín en Ourense.
