Ondiñas Mainas, asociación cultural rianxeira, vai organizar o vindeiro sábado 17 de xuño unha actividade creativa e participativa que se dirixe a reivindicar e visualizar nos espazos urbanos da vila o talento artístico veciñal. A iniciativa convócase baixo o seguinte reclamo: A carón do mar, saca o teu labor á rúa.
Inclúese un convite ás rianxeiras e rianxeiros para bordar e tecer en colectividade e mostrar os procesos e os resultados dos traballos no centro urbano rianxeiro. A actividade A carón do mar vén da man da asociación Ondiñas Mainas coa colaboración do Concello de Rianxo. Será no sábado, 17 de xuño, de 18 a 21 horas, no Paseo Marítimo de Rianxo, diante do Liceo.
