O Concello de Boiro celebra as súas Festas do Verán de 2023 entre o 30 de xuño e o 5 de xullo e faino “cunha programación para todos os públicos” e poñendo o foco no tecido cultural local, que será homenaxeado nesta edición. En concreto, o Concello renderalle tributo adicándolle a revista Folía. Na presentación desta homenaxe e da axenda festiva, celebrada este xoves 22 de xuño na Casa Consistorial de Boiro, participaron o alcalde, José Ramón Romero, a concelleira de Cultura, María Outeiral, e o técnico de cultura, Alberto García.
A concelleira de cultura, María Outeiral, debullou o programa de actividades das Festas do Verán 2023 que “se van celebrar ata en catro escenarios distintos e pensadas para todos os grupos de idade e contando con propostas de moi distintos estilos musicais”. Haberá orquestras, grandes concertos, musica tradicional, grupos locais, alboradas, espectáculos infantís e fogos de artificio, sinalou.
Pola súa banda, David Laíño, presidente de Peñas Boiro AC, falou tamén do programa que a entidade organiza en dous días das festas. O venres 30 celebrarase unha Remember Fest que terá lugar no Parque da Cachada e o luns 3 de xullo o tradicional dia de peñas con xogos peñeiros, sesión vermú e sesión tardeo.
Alberto García, técnico de cultura e coordinador da revista Folía falou da importancia da colectividade das festas, que se “ve reflectida cada ano na revista”. Ademais do programa de festexos, lembrou que a revista recolle parte da memoria colectiva de Boiro e conta tamén con colaboradores como son Antón R. Gallardo, Estevo Silva, Moncho Ares, Alberto García, Mercedes Rozas, Venancio Ribela, IESP A Cachada e Cruz Vermella de Boiro.
O alcalde, José Ramón Romero, resaltou “o gran traballo que dende o departamento de cultura levan facendo os últimos meses para programar as festas do verán” e tamén agradeceu “o gran traballo de produción, limpeza, seguridade… que hai detrás deste programa para que todos desfrutemos da nosa semana grande”.
Programa completo das Festas de Verán de Boiro
Venres 30 de xuño
20.00h – foguetes dando comezo ás Festas de Boiro
20.00h – pasarrúas coa charanga T.N.T. pola rúa peonil
22.00h – pregón en homenaxe ao TECIDO CULTURAL BOIRENSE na Praza do Concello
23.00h – orquestra LA PRINCIPAL na Praza de Galicia
23.00h – FAMILIA CAAMAGNO na Praza do Centro Social
23.00h – REMEMBER FEST das Peñas no Parque da Cachada con DJ Xacobo, DJ Places, DJ Neil e Marcos Magán
Sábado 1 de xullo
10.00h – alborada a cargo de PEQUENOS DO BARBANSA
11.00h – FESTA DA MALLA no Parque da Cachada con XOGOS TRADICIONAIS, XILBARBEIRA, ABELOURA, AROÑA, ABANQUEIRO, CARAVEIROS, LUMIEIRA, ARUME, O AR DE LOUREDA, PEQUENOS DO BARBANSA, SALGUEIRIÑOS
13.00h – xantar popular ca FESTA DA ORELLA DA BOLIÑA
18.00h – PASABARES TRADICIONAL por Boiro
23.00h – A QUINKILLADA na Praza do Centro Social
23.00h – MIKEL ERENTXUN na Praza de Galicia
00.30h – TRIBUTO a ELTON JOHN na Praza de Galicia
Domingo 2 de xullo
10.00h – alborada con o AR DE LOUREDA
12.00h – FANFARRIA BREGADIERS polas rúas de Boiro
13.30h – THE CUNCAS na rúa Peonil
19.00h – BANDA DE MÚSICA na Praza do Centro Social
20.00h – TROBEIROS DA PONTE (Boleros) na Praza do Centro Social
21.30h – THE AMY WINEHOUSE BAND Praza de A Negral
22.00h – orquestra PLAYERS na Praza do Concello
24.00h – FOGOS DE ARTIFICIO na Praia de Barraña (espectáculo piromusical e de danza cas agrupacións de ballet e baile tradicional do concello)
01.00h – Orquestra NEW YORK na Praza de Galicia
Luns 3 de xullo
10.00h – alborada con ARUME
12.00h – sesión Vermú con AS DA BOINA
12.00h – teatro infantil GHAZAFELLOS na praza do Centro Social
12.00h – peñas infantil con inchábeis e xogos no parque da Cachada
12.00h – FESTA DAS PEÑAS, festa da auga e sesión musical na Cachada
14.00h – sesión vermú Peñas con LEITE CON JALLETAS
17.00h – Tardeo Peñas con EUPHORIA DISCO SHOW (DJs Tito Maverick, Mateo Abelleira e Bruno deejay)
22.00h – XOSÉ LOIS ROMERO E ALIBORIA na Praza de Galicia
23.00h – CATUXA SALOM + Rasca&Pincha djs na praza do Centro Social
23:30h – orquestra MARBELLA na Praza de Galicia
Martes 4 de xullo
10.00h – alborada con ARUME
12.00h – sesión vermú con A DORNIÑA polas rúas de Boiro
12.00h – CIRCO CHOSCO espectáculo infantil no Parque da Cachada
22.30h – FILLAS DE CASSANDRA+ MONDRA na Praza do Centro Social
22.30h – orquestra PARÍS DE NOIA na Praza de Galicia
24.00h – BROKEN PEACH na Praza de Galicia
Mércores 5 de xullo
10.00h – alborada con ARUME
12.00h – sesión vermú con NUNCA É TARDE
12.00h – Nauta TEATRO familiar no Parque da Cachada
18.00h – TURBINA en festas na Praza do Centro Social (micro aberto + Bony Drill + Jallejo + Astray + DJ Mateo)
22.00h – O RABELO & HIGWPAW na Praza do Centro Social
22.00h – CAMELA na Praza de A Negral
22.30h – Dj Matrek na Praza de Galicia
23.00h – PANORAMA na Praza de Galicia
02.00h – Dj MATREK SHOW con artistas convidadas
