O Concello de Noia, a través da concelleira de Deportes, Laura Salgado, presentou os detalles de dúas actividades municipais encamiñadas a achegar lecer, deporte e creatividade á rapazada en tempo de vacacións ao tempo que se fai máis doado nas familias harmonizar tempo libre e traballo.
Trátase do Campamento Urbano de Verán e máis de Concilia de Verán, que abriron este luns 5 de xuño os seus respectivos prazos de inscrición. Segundo fixo saber a edil, Concilia De Verán está aberto a acoller a calquera rapaz da vila, pertenza ou non ao centro educativo onde se levará a cabo a actividade.
Campamento Urbano de Noia 2023
Do 3 de xullo ao 11 de agosto.
Quenda 1: do 3 ao 14 xullo
Quenda 2: do 17 ao 28 xullo
Quenda 3: do 31 de xullo ao 11 de agosto
Pavillón Agustín Mourís
Horarios:
08:30 a 09:30: Madrugadores.
09:30 a 14:00: Campamento
14:00 a 15:00: Recollida tardía
Concilia de Verán
Do 23 de xuño ao 7 de setembro.
Quenda 1: do 22 ao 30 de xuño.
Quenda 2: do 3 de xullo ao 11 de agosto.
Quenda 3: do 14 de agosto ao 8 de setembro.
Horarios:
07:30 a 10:00: Madrugadores
10:00 a 14:00: Campamento
14:00 a 15:00: Recollida Tardía
Inscricións na Casa do Concello, no rexistro de entrada en horario de 09:00h a 14:00h ata o 15 de xuño. Tamén por sede electrónica.
