O Concello de Porto do Son, en colaboración coa Escola Galega de Saúde para Cidadáns (dependente da Consellería de Sanidade) organiza este mes de xuño, nunha xornada, un Curso de Terapia Ocupacional Infantil (de catro horas de duración) dirixido a persoal sanitario e educativo, pacientes, familiares de pacientes, coidadores e cidadanía en xeral. Os contidos serán impartidos por Mercedes Urbiola Ituarte, pedagoga e guía Montessori. Será o vindeiro 19 de xuño, en horario de 16:00h a 20:00h. Celebrarase no Viveiro de Empresas municipal de Porto do Son. As inscricións cómpre facelas antes do 9 de xuño a través da seguinte conta de correo: jose.pazo@portodoson.gal.
