O Concello de Dodro, en colaboración con outras entidades, organiza este venres 30 de xuño un Obradoiro de Construción de Xigantes no Local Social do Montiño (Imo). Segundo informa Cultura de Dodro, trátase dunha actividade para público interxeracional: infancia a partir de 5 anos, mocidade, persoas adultas e persoas maiores. No caso de menores de idade deben participar acompañadas/os por adultas/os.
As persoas interesadas en acudir e en facer as inscricións poden acudir á Casa da Cultura ou chamar ao teléfono 981 802 472.
Trátase dunha actividade abeirada A Gárgola no Rural (A Xanela do Maxín) espectáculo multidisciplinar que combina teatro, monicreques, xigantes, música e bailes para tódolos públicos, acompañados, ademais, de obradoiros de xigantes especialmente pensados para a rapazada e a mocidade.
