O Concello De Dodro forma parte outro ano máis do Goza do Ulla, un programa no que colaboran todos os concellos bañados polo devandito Ulla e co obxectivo de crear unha senda de longo percorrido.
Para comezar o itinerario natural que abrirá o programa de sendas será o roteiro As Brañas de Laíño, organizado pola Concellería de Educación, Deportes e Emprego de Dodro. Celebrarase este sábado 10 de xuño. Será un percorrido de 12 quilómetros con saída ás 10.00 horas e con regreso en bus para as persoas participantes.
A inscrición pode realizarse no Departamento de Deportes do Concello de Dodro, nos teléfonos 981 802 532 e 689 897 223 ou no e-mail deportes@dodro.gal.
