Dende o Concello de Dodro lembran que xa está a disposición das veciñas e veciños a Guía de Campo das Herbas de San Xoán en Dodro (11 prantas para facer o cacho), deseñada pola herbalista Rosalía Bermúdez, experta en herbas medicinais. O libro, editado polo Concello e a Deputación da Coruña, pódese recoller de xeito gratuíto na Casa da Cultura de Dodro (de 9 a 14 horas) e no propio Consistorio local (tamén de 9 a 14 horas).
No libro explícase cales son as propiedades curativas das herbas, cales son os rituais e as tradicións que se asocian a esta data cargada de misticismo e cales as composicións do “cacho de San Xoán”
