Dende este luns 12 de xuño as empresas asociadas da ABE xa poden acollerse a un novo convenio de colaboración, neste caso o asinado coa marca Volvo a través do concesionario oficial Merenauto. Segundo destaca a Asociación Boirense de Empresarios, “a día de hoxe o mundo da automoción ofrécenos múltiples posibilidades tecnolóxicas, e a normativa non acaba de concretar que pasará nos vindeiros anos polo que buscar solucións á mobilidade nunha empresa xa non é tarefa fácil”. Así, para axudar aos socios da patronal neste eido a entidade asinou un convenio con Merenauto, formalizado a través do responsábel do departamento de empresas da firma, Jorge Naya, que será a persoa coa que poidan contactar os socios da patronal boirense para informarse das condicións especiais que teñen como integrantes da patronal.
Nun plano máis concreto, as vantaxes son as seguintes:
-Os socios disporán dunha páxina web exclusiva na que poderán consultar sempre que queiran os descontos dispoñíbeis tanto para compra como nos renting.
–Acceso preferente ao servizo de asesoramento do departamento de empresas formado por profesionais que buscarán a mellor solución as súas necesidades de mobilidade, tanto á hora de elixir modelo como fórmula de adquisición.
-Descontos en compra e postvenda.
-Acceso a condicións preferentes en renting.
