O Documento do Plan Xeral de Ordenación de Rianxo que se vén de aprobar provisionalmente na sesión do pleno da Corporación do 11 de maio de 2023 está dispoñíbel para a súa descarga e consulta na ligazón https://concelloderianxo.gal/pxom.
Dende o Goberno local en funcións informan de que a veciñanza que o desexe pode consultar o documento con persoal técnico do concello os martes e xoves, de 10 a 12 h, nas oficinas da Área de Rehabilitación (rúa Adro, nº 2).
Como lembraremos, a elaboración do Documento Plan Xeral iniciou a súa andaina en 2011 e finalmente verá a luz grazas aos dez votos a favor do equipo de goberno (BNG e PSOE), posto que os catro concelleiros do PP, Rianxo en Común e Cidadáns rexeitaron a proposta.
O alcalde en funcións, Adolfo Muíños, recoñeceu que “este documento é froito do traballo de anteriores corporacións” e o resultado é que por fin “deixaranse de usar as normas subsidiarias que rexían desde o ano 198″5. Outro dos obxectivos da novo PXOM é que tentou buscar un equilibrio entre os rural e o urbano.
Entre as principais novidades deste plan urbanístico está que abre a posibilidade de construír un total de 3.594 vivendas ao longo dos próximo 15 anos. Delas, 2.137 estarían en solo urbano, e 1.457 en rural.
Muíño dixo que coa aprobación deste documento “deuse un gran paso para avanzar de maneira firme» no futuro do municipio rianxeiro”.
