Unha ambulancia trasladouse hoxe sobre as 12.30 horas, á parroquia de Corrubedo onde unha ciclista sufrira un accidente ao perder o control do seu vehículo cando circulaba por unha zona onde a calzada estaba un pouco afundida.
A implicada pedaleaba pola AC-303 a altura do lugar de Teira cando sufriu unha caída pola que precisou asistencia sanitaria.
De feito, un particular que chamou ao 112 Galicia explicou que o accidente puido deberse ao vento que sopraba naquel momento. Engadía que a ciclista resultara ferido na cabeza.
Ata o punto desprazáronse o persoal de Urxencias Sanitarias de Galicia-061, da Garda Civil de Tráfico e da Policía Local de Ribeira.
