O Xulgado de Primeira Instancia e Instrución Número 1 de Ribeira admitiu a trámite a querela presentada o 5 de abril por Suma Ribeira contra o alcalde de Ribeira e o arquitecto técnico por uns feitos que considera constitutivos dun delito de prevaricación administrativa na contratación dese profesional externo ao Concello. O portavoz de Suma Ribeira dixo que o secretario xeral e o interventor municipais fixeron advertencias, reparos e condicionantes en relación á firma dese contrato menor de servizos, como non exceder 15.000 euros de gasto nin o prazo dun ano, sen opción a prórroga, pero Suma Ribeira esa situación prolóngase desde novembro de 2020 á actualidade.
O xulgado ribeirense acordou incoar dilixencias previas interesadas por Suma Ribeira, por procedemento abreviado para que o Concello remita ordenadamente copia autenticada do expediente completo do contrato menor de servizos técnicos de apoio ao departamento de Secretaría e Urbanismo a copia de todas as facturas expedidas por ese arquitecto técnico desde o 15 de outubro de 2020 ata a actualidade, a copia de todos os decretos da Alcaldía nos que se teña autorizado o pago de facturas presentadas con ou sen reparo do interventor municipal desde a mesma data e ata o de agora, e todos os informes do interventor municipal onde poña reparos ou informe favorablemente o pago ou a proposta de pago das facturas presentadas a cobranza por Sabín no mesmo período.
Pola súa banda, Manolo Ruiz delarou o respecto que “contratei unha asistencia técnica cando non había persoal en Urbanismo. Era unha necesidade. Desde entón cubríronse as prazas de arquitecto e aparellador, e cando tome posesión o segundo aparellador, prescindirei dos servizos de Sabín. Prevaricar é tomar unha decisión inxusta a propósito, e iso non se fixo”.
Suma Ribeira
