Un accidente con tres vehículos implicados na autovía de Noia obrigou a desviar a circulación á altura de Galanas

05 Maio 2023

O tráfico foi desviado desde o quilómetro 3 da AG-56 namentres os servizos de emerxencias traballaron para o restablecemento das condicións óptimas da vía.

Varios particulares que circulaban polo quilómetro 4 da AG-56 en sentido Noia chamaron ao 112 Galicia minutos despois das 6 horas: un turismo e unha furgoneta acababan de colidir, deixando múltiples restos sobre a vía.

Desde o 112 Galicia informouse a Urxencias Sanitarias de Galicia-061, aos Bombeiros de Boiro, ao GES de Brión, á Policía Local de Ames, á Agrupación de Voluntarios de Protección Civil de Ames, aos servizos de mantemento das estradas e aos axentes da Garda Civil de Tráfico.

Foron precisamente estes últimos os que, unha vez no punto, confirmaron que ningunha das persoas implicadas resultara ferida.

Pouco despois, e cando diversos membros dos servizos de emerxencias estaban xa actuando no lugar do sinistro, un terceiro coche colidiu cos vehículos anteriormente accidentados.

Por fortuna, non houbo que lamentar danos persoais. Iso si, a circulación permaneceu desviada durante a intervención dos servizos de emerxencias.

Durante hora e media a saída da autovía Noia- Santiago nas Galanas quedou cortada ao tráfico.Foto GES Brión

Outros artigos

O 25 de abril comezan en Noia as Festas de San Marcos 2024

O 25 de abril dará comezo en Noia a nova edición das Festas de San Marcos, unha das celebracións máis agardadas na nosa contorna e que este ano destacan pola súa completa axenda de actividades e, tamén, pola calidade do traballo artístico do debuxante e ilustrador...

+

Publicidade

Revista en papel

Opinión

“Lisboa, luz cosmopolita”. Alberto Barciela

“Lisboa, luz cosmopolita”. Alberto Barciela

En apariencia, lo único que vemos de la ciudad es lo que la ciudad nos muestra. Lisboa es traslúcida, se da toda en su generosa actitud para quien se predispone a admirarla, para los que abren sus brazos con el fin de abarcar un pequeño pleno universo cosmopolita,...