Municipais 2023: Os populares de Ribeira comezan a campaña coa ilusión de “seguir contribuíndo ao crecemento do concello”

12 Maio 2023

A familia popular volveu reunirse nos soportais da Casa Consistorial de Ribeira con motivo do acto de pegada de carteis que dá inicio á campaña das eleccións locais do 28 deste mes.

O candidato á alcaldía polo Partido Popular, Manuel Ruiz, fixo fincapé “na importancia de que o Goberno local de Ribeira recaia en alguén con experiencia en xestión municipal para concluír todo o conquerido (por contía superior aos 50 millóns de euros, gran partes dos cales corresponden os fondos europeos -FEDER e Next Generation- que están condicionados a rematar as actuacións en prazo) e sobre todo para contribuír a que a cidade e o resto de parroquias sigan crecendo”. Ao fío disto, reivindicou “o ambicioso” do seu programa, con máis de 60 medidas distribuídas por sectores e máis de cen por parroquias. Entre elas inclúense actuacións como o desenvolvemento do Plan Parcial de Abesadas ou a creación dunha zona verde de 50.000 metros en Coroso, ademais de dinamizar Bandourrío cunha sala de concertos pensada para a xuventude no andar baixo do Auditorio, un laboratorio creativo pensado para os artistas no andar superior, e un centro multiusos no edificio de Conservas Cerqueira.

Por último, eloxiou “o talento, os coñecementos e o amor ao seu pobo dos homes e mulleres que figuran na súa lista”, os cales xunto con militantes e simpatizantes do Partido Popular, remataron a súa estadía na praza do Concello voceando o slogan de campaña: Entre todos, Ribeira.

Os mítines desta fin de semana serán:

• Venres ás 18.30 horas en Frións (explanada do Colexio)
• Venres ás 20 horas en Oleiros (Bar Calo)
• Sábado ás 20 horas nos Areeiros (casa de Manolo Vilar)
• Domingo ás 12.30 horas nas Carolinas (Bar Antoxo)
• Doningo ás 19 horas en Aguiño (Bar Cruce)

Outros artigos

A Deputación da Coruña apoia o labor de Misela, Renacer e ADISBISMUR

O presidente provincial, Valentín González Formoso, nunha visita á sede de Misela, en Noia A Deputación da Coruña publicou no BOP deste luns 26 de febreiro a concesión provisional das subvencións dirixidas a entidades sen fins de lucro para o mantemento de programas e...

+

Publicidade

Revista en papel

Opinión

“O medo fala. Consecuencias” – Manuel Domínguez

“O medo fala. Consecuencias” – Manuel Domínguez

O 26 de febreiro publicaba neste mesmo medio, sobre a ameaza de Donald Trump e as súas consecuencias, podería parecer unha opinión, pero non, non, está baseada en feitos. En ano 2004 cando os países bálticos liberáronse das garras comunistas das URSS e pasou a...