Os vindeiros 8, 9 e 10 de maio (luns, martes e mércores) a Escola de Música de Porto do Son vai celebrar tres xornadas de portas abertas, co obxectivo de mostrar a pequenos e maiores, con clases gratuítas, as posibilidades creativas e formativas que ofrece a ESMU.
As xornadas inclúen un convite a participar de balde nas sesións divulgativas que van ter lugar no auditorio da Casa da Cultura de Porto do Son os devanditos días de maio. As xornadas están abertas á participación de nenas, nenos (dende os 7 anos) e persoas adultas. Nas sesións porase o foco nalgunha das principais liñas de actividade da ESMU: coro, linguaxe musical e piano.