O PSdeG-PSOE de Riberia amousou o seu rexeitamento cara o nivel de violencia observado en episodios recentes na vila, incluíndo o acontecido onte. Este último rematou cun mozo en estado crítico
tras recibir un disparo e catro navalladas.
“Non se pode seguir consentindo, e é demasiado habitual”, sinalou o candidato socialista á alcaldía de Ribeira, Francisco Suárez-Puerta. Os socialistas apuntan á responsibilidade do Goberno municipal na prevención destes sucesos recorrentes. “Hai unha situación de falta de control policial e de deixadez total por parte do Concello”, afirmou Suárez-Puerta, en referencia tamén ás pelexas multitudinarias que tiveron lugar hai unhas semanas e que remataron con varios feridos graves.
O candidato solicita ante isto “máis presencial policial a pé nas rúas, especialmente en fin de semana”, cando se produce a meirande parte dos altercados.
