Municipais 2023: O Partido Galego debulla o seu programa no mitin central celebrado no Local Social de Oleiros (Ribeira)

22 Maio 2023


Este sábado 20 de maio o Partido Galego fixo o seu mitin central na parroquia de Oleiros (Ribeira), terra do candidato a alcaldía polo PG. Neste acto participaron Maxi Vázquez, secretario xeral do Partido Galego, Óscar Casais, nº 2 da candidatura e Moisés Domínguez, candidato á alcaldía de Ribeira.

O Centro Social de Oleiros estivo ateigado de veciños de dita parroquia que foron acoller ao seu alcaldábel, chegando a ter que estar varios veciños de pe debido a falta de cadeiras do propio local.
Maxi Vázquez encargouse de presentar aos relatores e fixo unha intervención na que introduciu os piares básicos do partido, indicando “a necesidade de ter un partido que defenda os intereses de Galicia”.

Óscar Casais fixo unha intervención na que explicou os problemas principais de Ribeira avogando pola necesidade de realizar políticas construtivas como as que fai o Partido Galego.

Moisés Domínguez explicou as propostas principais do seu programa para o concello de Ribeira, focalizándose nos problemas da súa parroquia. Finalmente o candidato a alcaldía expresou o seu desexo e ilusión por “conseguir unha Ribeira mellor pensada para todos os seus cidadáns”.

O acto rematou cun gaiteiro tocando o himno galego e cun convite a un pincho aos propios asistentes, mentres o gaiteiro amenizaba o acto con música tradicional.

Outros artigos

Publicidade

Revista en papel

Opinión

“Enfermedades terminales”. José Manuel Pena

“Enfermedades terminales”. José Manuel Pena

Estos últimos días las visitas al hospital fueron frecuentes para acompañara un buen amigo que se encuentra viviendo unos difíciles momentos por sudelicado estado de salud. Esta circunstancia me abrió un poco más los ojos ala realidad del sufrimiento, el dolor, el...