Este sábado, 27 de maio, ás 20,30 hs., terá lugar o acto poético e presentación de Mansío, no salón central do Liceo Marítimo de Ribeira.
Froito da colaboración entre Eva Veiga e Antonio Piñeiro, Mansío é un libro de artista, ou libro obxecto, cuxa singularidade xa ven causando expectación estes días no eido cultural barbanzán.
Foi realizado nunha tiraxe moi reducida, directamente intervida pola obra poética e pictórica dos dous autores, o que lle confire un caracter artístico que se propón como actitude desde a condición autorial.
O Liceo Maritimo de Ribeira, institución cultural e asociativa decana na Barbanza, en colaboración con Barbantia e co Concello de Ribeira, volve así acoller un destacado encontro, na acción dinamizadora cultural que o caracteriza.
