O Concello de Noia saca a licitación por máis de 57.000 euros a renovación da rúa Igrexa, en Santa Cristina de Barro

23 Maio 2023

O Concello de Noia vén de sacar a licitación as obras de renovación do pavimento existente na rúa Igrexa, na parroquia de Santa Cristina de Barro. Unhas obras orzamentadas en 57.642,44 euros e cun prazo de execución máximo de 3 meses. As empresas interesadas poderán presentar as súas ofertas ata o 1 de xuño na alcaldía do Concello de Noia.

O alcalde, Santiago Freire, explica que esta actuación ten como obxectivo “mellorar o estado actual dunha das rúas máis importantes de Barro, pois dispón de acceso dende a AC-550 e desde a estrada da Deputación que percorre a parroquia, ao tempo que aproveitaremos para rozar e limpar a vexetación existente no borde das beirarrúas, sobre todo na zona onde están os contedores de recollida do lixo”. De feito, nesta rúa está emprazada unha gran área comercial, “o que supón que soporte un tráfico notábel durante todo o día, tanto peonil como rodado”, engadiu o rexedor.

As obras consistirán no asfaltado da rúa Igrexa con 6 centímetros de asfalto realizado con mestura bituminosa en quente, sobre o que se realizará o correspondente pintado viario. A maiores, aproveitarase para rozar e limpar a zona da vexetación existente no borde das beirarrúas e na zona dos contedores do lixo, onde se cambiará a base de saburra compactada por outra de pavimento continuo para evitar que medre a vexetación.

Outros artigos

O 25 de abril comezan en Noia as Festas de San Marcos 2024

O 25 de abril dará comezo en Noia a nova edición das Festas de San Marcos, unha das celebracións máis agardadas na nosa contorna e que este ano destacan pola súa completa axenda de actividades e, tamén, pola calidade do traballo artístico do debuxante e ilustrador...

+

Publicidade

Revista en papel

Opinión

“A vivenda” – José Manuel Pena

“A vivenda” – José Manuel Pena

É un ben de mercado para o negocio particular ou un dereito básico, fundamental e humano, como pode ser a educación, a sanidade, a prestación por desemprego ou a xubilación? A vivenda, en Galicia e no resto de España, continúa sendo un negocio e un ben de...

“A forza da gratitude”. Luís Celeiro

“A forza da gratitude”. Luís Celeiro

Daquela, hai algo máis de cincuenta anos, algúns dos aldeáns e aldeás das aldeas de Lugochegaban ao Instituto para abrir as portas do futuro, pechadas a cal e canto para os fillos daMariña, para os das montañas da Fonsagrada, dos Ancares, do Courel e da Lóuzara...