O Programa de Alimentos 2023 impulsado polo Concello de Dodro recibiu esta semana unha primeira entrega de produtos da Federación Española de Bancos de Alimentos (BALRIAL). Os produtos (400 quilogramos de alimentos) foron distribuídos xa entre 11 familias en risco social do termo municipal. O Concello explica que para formar parte deste programa, as persoas interesadas poden informarse ao longo de todo o ano nas dependencias de Servizos Sociais e Benestar. Cita previa chamando ao número de teléfono 981 80 24 66.
