O Centro Lustres Rivas (Ribeira) acolle máis dunha trintena de obras de José Luis Blanco Fernández

08 Maio 2023

A sala de exposicións do Centro Cultural Lustres Rivas, ao abeiro d programación do Maio Cultural, inaugurou unha nova mostra que leva por título Óleos e Acuarelas de José Luís Blanco Fernández, un ribeirán de adopción que durante moito tempo rexentou o establecemento Calzados Luis. A apertura celebrouse na noite do pasado venres 5 de maio nun acto moi concorrido que contou en representación municipal co tenente de alcalde Emilio Pérez e o concelleiro Javier Sampedro.

Emilio Pérez recordou que “a formación de José Luís Blanco foi autodidacta, pois dende os 16 anos tivo sempre interese polo mundo da arte e a pintura, e na década dos 60 nunha estadía en París comezou a ter contacto coas correntes artísticas do momento e que se poden apreciar nestas máis de 30 obras que hoxe nos trouxo aquí, marcadas polo impresionismo, o fauvismo e o expresionismo”.

Esta exposición, dixo, xorde como homenaxe e agradecemento a súa querida Ribeira. Trátase dunha mostra inédita que recolle unha selección de óleos e acuarelas dos anos máis recentes do autor, inspirada en espazos, personaxes e escenas do Barbanza con paisaxes, mariñas e xentes do mar como temas recorrentes.

A mostra poderá ser visitada ata o 27 de maio en horario de luns a venres de 10 a 14 e de 19 a 21 horas e os sábados de 11 a 14 horas.

Outros artigos

Falece unha ribeirense de 50 anos atopada no chan da súa casa

Unha muller de 50 anos, cuxa identidade responde as iniciais T.M.M., faleceu esta noite na súa casa da céntrica Rúa Méndez Núñez, de Ribeira. Segundo informa o Diario de Arousa , foi a súa parella a que ao redor das oito do serán chamou o 112 para comunicar que non...

+

Publicidade

Revista en papel

Opinión

“Oporto”. Alberto Barciela

“Oporto”. Alberto Barciela

Oporto puede seguirse en el sentido serpenteante de un río, o en la vertical de un océano, ascenderse o descenderse por meandros encajados en calles que a veces semejan acantilados, que siempre se precipitan hacia agua, una urbe universal cerca del tiempo que le tocó...