O Concello de Porto do Son, en colaboración coa Escola Galega de Saúde para Cidadáns (órgano dependente da Consellería de Sanidade) organiza unha nova edición do Curso de Primeiros Auxilios, gratuíto e de catro horas de duración.
Será impartido por Carlos Prados Sande, diplomado universitario en enfermería asistencial do 061 Galicia. A cita será o vindeiro 5 de xuño, na Aula de formación do Viveiro de Empresas do Concello de Porto do Son. As inscricións poden facerse entre o 24 e o 31 de maio, a través da seguinte conta de correo electrónico: maria.santos.lemina@portodoson.gal.
