Municipais 2023: Un novo espazo deportivo tras a desaparición do Campo de Trumiáns, entre as grandes propostas do Pp para Artes

26 Maio 2023

No penúltimo día de campaña o Partido Popular de Ribeira estivo cos veciños de Artes no Centro Recreativo para expoñer o seu programa e, sobre todo, as propostas destinadas a mellorar a vida da parroquia. O acto contou coas intervencións do alcaldable Manuel Ruiz, a número 2 María Sampedro e Víctor Reiriz, número 6 da lista electoral e candidato por Artes, quen foi quen abriu o evento.

Unha das principais propostas destinadas a mellorar Artes é crear un gran espazo deportivo que, xunto ao polideportivo, sirva a esta parroquia logo da desaparición do histórico campo de Trumiáns ao integrarse este terreo no parque natural. Para conseguir este obxectivo o Concello xa conta cunha parcela e a súa intención e adquirir outras fincas lindeiras.
Precisamente a dotación dunha nova envolvente no polideportivo de Artes é outra das medidas contempladas para afianzar a súa eficiencia enerxéticas.

Outras propostas consisten na canalización de augas desde Outeiro ao Río Muíños, a apertura dunha pista ata Teixoeira, unha nova ponte no río Sanchanás, o ancheado de pista e pavimentación na zona de Viña Nova ao Museo do Grabado, dotación de abastecemento de auga en Arribas e alcantarillado en Arribas e Sego, unha zona de recreo en Goda, o anchegado de pista de Viñanova a Xarás, a mellora da sinalización e a reparación de beirarrúas na estrada provincial.

Ademais, están xa aprobadas e con consignación orzamentaria outras actuacións como a creación dun novo parque infantil fronte ao Centro Recreativo, a pavimentación no entorno da Igrexa Parroquial de San Xián ou a rexeneración ambiental e plantación de árbores no entorno do río de Artes e monte de San Alberte, esta última grazas a unha subvención con fondos europeos.

Outros artigos

A Pobra do Caramiñal mostra xa ao Valle-Inclán máis íntimo

A cesión de obxectos persoais e mobiliario do Pazo da Mercé onde residiu o autor, xunto á súa biblioteca persoal, completa a colección do seu museo na localidade coruñesa. O pleno do concello da Pobra do Caramiñal aprobaba esta mesma semana unha corrección de erros...

+

Publicidade

Revista en papel

Opinión

“Oporto”. Alberto Barciela

“Oporto”. Alberto Barciela

Oporto puede seguirse en el sentido serpenteante de un río, o en la vertical de un océano, ascenderse o descenderse por meandros encajados en calles que a veces semejan acantilados, que siempre se precipitan hacia agua, una urbe universal cerca del tiempo que le tocó...