Municipais 2023: Boiro manterá os mesmos centros de votación que nos últimos comicios e dotará as mesas con pictogramas de Amicos

26 Maio 2023

O Concello de Boiro informou de que nas eleccións municipais deste domingo 28 vai manter os mesmos centros de votación que nos últimos comicios, “co obxectivo de centralizar as mesas”. A maiores, todas as mesas será inclusivas con pictogramas para persoas con TEA.

Deste xeito, as mesas electorais de Boiro que historicamente se dividían entre a Casa da Cultura e o Centro Social de Boiro, centralízanse no Pavillón Municipal da Cachada. O mesmo pasa coas mesas de Cabo de Cruz, que antes estaban na unitaria de Valiño e na Casa do Mar de Cabo de Cruz, que agora pasan todas ao Centro Social de Cabo de Cruz.

En canto ás mesas electorais de Escarabote e Magdalena, estarán todas no Centro Social de Escarabote. As de Cespón, antes divididas en Cespón e unitaria de Vilariño, estarán todas no Centro Social de Cespón. A mesa de Comoxo, antes na unitaria, agora estará no Museo Etnográfico de Comoxo. O centro de votación de Cures e Moimenta será o Centro Social de Cures e o de Bealo a unitaria de San Ramón.

“Esta centralización”, explica o Concello, “permite facilidades para a veciñanza de cada parroquia e tamén maior seguridade á hora de que os representantes da administración e membros das mesas garantan o correcto desenvolvemento da xornada electoral”.

No desenvolvemento da xornada colaborarán os efectivos da Policía Local, Garda Civil de Boiro e tamén Protección Civil de Boiro. “Esta centralización permite facilidades para a veciñanza de cada parroquia e tamén maior seguridade á hora de que os representantes da administración e membros das mesas garantan o correcto desenvolvemento da xornada electoral”, engadiron fontes do Concello.

Ademais, gracias á colaboración da Asociación Amicos, este ano todas as mesas serán inclusivas, contando con pictogramas indicativos para persoas con TEA.

Outros artigos

Publicidade

Revista en papel

Opinión

“Oporto”. Alberto Barciela

“Oporto”. Alberto Barciela

Oporto puede seguirse en el sentido serpenteante de un río, o en la vertical de un océano, ascenderse o descenderse por meandros encajados en calles que a veces semejan acantilados, que siempre se precipitan hacia agua, una urbe universal cerca del tiempo que le tocó...