Municipais 2023: Besteiro reivindica dende Noia o escudo social do Goberno para afrontar a post-pandemia

24 Maio 2023

O socialista José Ramón Gómez Besteiro, delegado do Goberno en Galicia, visitou Noia este mércores 24 de maio, vila onde reivindicou o escudo social despregado polo Executivo central para afrontar a post pandemia. Nun percorrido pola vila acompañando ao candidato socialista Fran Pérez, emprazou a votar o próximo domingo “lembrando quen estivo atendendo aos problemas da xente”.

O delegado do Goberno en Galicia puxo o foco “no risco de que o voto do próximo domingo pode facer desaparecer a rede social despregada polo Estado, que depende dunha conexión fundamental coa rede municipal que representan os candidatos socialistas coma no caso de Noia”. Foron eles, lembrou, os encargados de “defender e xestionar os intereses e os dereitos dos veciños e das veciñas”.

O responsábel socialista enxalzou a importancia da Lei de Pesca Sustentábel para localidades costeiras como é o caso de Noia, onde as mulleres traballadoras no marisqueo a pé, as redeiras, bateeiras ou percebeiras están a ver como esta norma recoñece o coeficiente redutor que “lles ofrece mellor futuro e unha mellor xubilación”.

Este “escudo de obras, infraestruturas e mecanismos de defensa social”, dixo, “vén de ser recoñecido pola Rede Europea contra a Pobreza”. Esta entidade advertiu que, de non existir o conxunto de actuacións amparadas por unha administración potente para responder fronte á crise, “hoxe falaríamos de cifras espectaculares de pobreza” e practicamente dunha “auténtica crise e traxedia nacional”, engadiu Besteiro, que tamén contrastou o traballo do Goberno e a aposta dos candidatos e candidatas socialistas por “presentar proxectos e ideas para o futuro” fronte a un Goberno galego que, segundo dixo, “mira para outro lado e retira a Tarxeta Básica en momentos de dificultades”. Censurou que o PP teña centrado a campaña en “cousas que non lle preocupan á maioría dos galegos e das galegas” para agochar aos seus candidatos e a súa falla de proxecto.

Noia

O candidato socialista á alcaldía de Noia, Fran Pérez, recoñeceu o traballo de Besteiro como interlocutor co Estado e o compromiso de intensificar esta tarefa en beneficio de concellos como o de Noia. Pérez defendeu o proxecto socialista “baseado no desenvolvemento económico e en aproveitar a potencialidade desta vila costeira”, dixo, ao tempo que propuxo converter o Concello nun “axente dinamizador” da economía local e que facilite o investimento, mentres en segundo lugar desenvolva o turismo como eixo fundamental que ata o momento “non ten sido explotado correctamente”. Salientou as potencialidades da vila polo seu patrimonio histórico e natural, así como pola súa gastronomía, e reivindicou o seu recoñecemento dentro do Camiño de Santiago.

Para rematar avougou por desenvolver o solo industrial en Noia logo de 30 anos nos que “non foi desenvolvido un só metro” dun recurso “absolutamente necesario”. Dixo que o PXOM “non foi aprobado cando faltaba tan só a aprobación definitiva”, e propuxo “aprobar o documento a lo menos de forma parcial, habilitando a disposición do dito solo industrial”.

Outros artigos

Publicidade

Revista en papel

Opinión

“Cuando los socios no apoyan al Gobierno”. Arturo Maneiro

“Cuando los socios no apoyan al Gobierno”. Arturo Maneiro

Cuando las materias que pretende conseguir o las normas quequiere aprobar no les favorece de forma clara -no sacan nada enlimpio, no hay más poder o más dinero-, los socios de investidurade Sánchez no lo apoyan; entonces, leña al PP.En estos casos, los ministros y...