Municipais 2023: A Marea Cidadá de Noia presenta un programa centrado na promoción económica e nos servizos públicos

20 Maio 2023

A Marea Cidadá de Noia aspira a liderar un goberno centrado na recuperación económica e na ampliación de servizos públicos para asegurar o asentamento de poboación. De acordo ca formación liderada por Manolo Seijas, “trátase de facer un Concello que se preocupe pola realidade dos veciños e das veciñas, que facilite a vida e que funcione como un atractivo para a recuperación da poboación en Noia”.
“Para isto, promoveremos tamén a rehabilitación de vivenda ruinosa para o alugueiro” – engadiu Seijas.
Nesta liña, a Marea Cidadá incidiu na necesidade urxente de crear unha Escola Infantil Pública, un Centro de Día e un programa de conciliación anual, propostas que defendeu a número tres da formación Paula Enríquez, quen asegurou que Noia “é dos poucos Concellos de máis de 10.000 habitantes que non contan cuns servizos tan básicos”.
Entre outras propostas de ampliación de servizos, destacan a creación dun Servizo de Psicoloxía Municipal, a municipalización do Servizo de Atención no Fogar ou a creación dunha Casa da Mocidade, que ofreza alternativas de lecer e formación para os máis novos. Enríquez encargouse tamén de defender a creación dun novo depósito da auga que de solución aos problemas de subministro.
Manolo Seijas encargouse, pola súa banda, de defender as propostas en materia de promoción económica e de defensa da economía local, destacando a necesidade de ampliar o chan industrial de Noia, así como a creación da Oficina de Desenvolvemento Local para a asesoría das empresas e para a dinamización do comercio, da hostalaría ou da praza de abastos.
“Para nós, é vital tamén asegurar que o vindeiro goberno de Noia se opón con firmeza ás verteduras da Mina de San Finx”- afirmou o candidato da formación.

Outros artigos

Publicidade

Revista en papel

Opinión

“O medo fala. Consecuencias” – Manuel Domínguez

“O medo fala. Consecuencias” – Manuel Domínguez

O 26 de febreiro publicaba neste mesmo medio, sobre a ameaza de Donald Trump e as súas consecuencias, podería parecer unha opinión, pero non, non, está baseada en feitos. En ano 2004 cando os países bálticos liberáronse das garras comunistas das URSS e pasou a...