Ibuprofeno Teatro vai representar este venres 12 de maio, en Boiro, a función Smoke on the water. Será na Casa da Cultura a partir das 12.00 horas. As entradas poden adquirirse dende unha hora antes do espectáculo.
Sinopse
Ritchie (Blackmore) vive ancorado no rock and roll dos 70, ten un tenda de discos e vinilos de colección. Janis (Joplin) xa non canta desde hai anos, estuda filosofía na universidade. A súa unión sobrevive despois de case 25 anos de crise matrimonial permanente, formando un círculo vicioso enfermizo, un sistema de relacións e dependencia imposible de desenredar. Este status quo absurdo, en continua combustión, ver ameazado pola aparición de Álex, un gigoló de ideoloxía vandálica e transgresor que se namora perdidamente de Janis, á vez que establece unha profunda amizade con Ritchie.
A intervención de Joan Baez, empregada de banca que xestiona a hipoteca de Ritchie, clienta de Álex, propicia un final pateticamente feliz ao enredo amoroso-financeiro entre este grupo de seres humanos fracasados, torpes, perdedores, frustrados, desgastados e maltratados pola vida, que provocan tenrura e compaixón.
Ficha artística
Elenco:
Josito Porto: Ritchie
Belén Constenla: Janis
Adrián Ríos: Alex
María Costas: Amparo, Joan Baez
Mon Orencio: Músico en escena
Dirección y texto: Santiago Cortegoso
