Este luns 22 de maio inaugúrase en Boiro un dos grandes acontecementos culturais galegos da tempada: o Festival de Cinema Escolar Olloboi, edición 2023 (a número 13 do certame). Será ás 20.00 horas nun marco histórico, cultural e (tamén) cinematográfico incomparábel: o Pazo de Goiáns. Desenvolverase en Boiro ao longo da semana: entre o 22 e o 26 de maio, tanto no Pazo de Goiáns (sede principal da axenda) como noutras localizacións.
Impulsado polo colectivo docente e escolar local e capitaneado por Ana Moreiras e Sara Hermo (en colaboración co Concello), o festival contará este ano coa participación de 150 escolares de diversos centros. Temos toda a información do certame na web www.olloboi.com. Un dos intres culminantes, a gala de premios, está programada para o día 26. Será novamente no Pazo de Goiáns.
Pechado o prazo de inscrición, a organización anunciou que son 111 as curtametraxes que concorren no festival, procedendo unha parte importantes das mesmas dos 55 centros educativos que participan nesta convocatoria.
O xurado estará integrado polos profesionais do sector audiovisual Sandra Montes, Juan Galiñanes, Lucía C. Pan, Suso López, Lucía Estévez, Leti Blanco, Noemí Chantada, Óscar Pardo, Fon Cortizo, Toño Chouza, Miguel de Lira, Fede Pérez, Quique Otero, Lorena Vilas, Pablo Fontenla, Sabela Hermida, Olaia Sánchez, Luis Avilés, Arantxa R. Ponte, Jorge Rivero, Marta Ríos, Andrés Goteira e Lidia Veiga,
As persoas gañadores de todas as categorías recibirán un trofeo. Tamén haberá premios especiais para os vencedores na sección de maiores de 18 anos: a asistencia a unha rodaxe. Na modalidade Peque, agasallarase aos novos talentos cun concerto no colexio. Por último, quen se impoña na categoría Zamburriori poderá participar nunha charla a cargo dun cineasta e recibirá un lote de libros de Aira Editorial.
Programa
Luns 22 de maio
20.00h – inauguración do festival e proxección das pezas Olloboi V.O. (colexios de Boiro)
Martes 23 de maio
9.30 a 11.00h – visita colexio Santa Baia
11.00 a 12.30h – visita colexio Escarabote
16.00 a 18.00h – charla sobre formación audiovisual e saídas profesionais
Mércores 24 de maio
10.20 a 12.00h – visita colexio Abanqueiro
12.30 a 14.00h – visita colexio Praia Xardin
18.00 a 20.00h – apertura ao público e outros centros de ensino
Xoves 25 de maio
10.00 a 11.30h – visita colexio Cespón
20.00h – presentación do libro de José Gil por Manolo González
Venres 26 de maio
10.30 a 11.30h – recepción dos centros e presentación no Pazo de Goiáns
12.00 a 14.30h – muchachada en Cabo de Cruz
15.00 a 18.00h – xantar-convivio na praia da Retorta
19.00 a 20.00h – proxección das pezas da muchachada na Abadía de San Enrique
20.30 a 22.00h – entrega de premios na Abadía
22.00h – cea, foliada con Nunca é Tarde e fin de festa con Skanderani na Abadía
Tamén podemos consultar o programa completo de actividades na web municipal.
