Esquerda Unida Boiro celebrou este sábado 6 de maio a presentación pública da candidatura e do seu
programa electoral ás eleccións municipais do próximo 28 de maio.
Durante o acto interviñeron Rita Vicente, Javier Alonso, María Duro e Néstor Sieira, candidato a alcaldía de Boiro. O acto desenvolveuse no Centro Social de Boiro ante un auditorio ateigado, ao que a organización de esquerdas trasladou á veciñanza de Boiro as claves do seu programa electoral.
Néstor Sieira mostrou o compromiso da súa candidatura cos orzamentos participativos e a humanización de zonas claves do municipio, como o entorno de Carragueiros, a punta de Piñeirón ou o entorno de Agramuiña. Tamén insistiu na “bulevarización” da rúa principal e na necesidade urxente dunha nova depuradora que poña remedio aos problemas que se ocasionan no EDAR de Cabo de Cruz.
Por último, o candidato de Esquerda Unida resaltou o empeño da súa organización coa vivenda publica e comprometeuse a desenvolver unha bolsa de pisos de alugueiro a prezos alcanzábeis para as persoas traballadoras. Tamén puxeron o foco “na urxente necesidade dunha residencia de maiores pública, xa que non podemos permitir que se faga negocio coas necesidades básicas das persoas”.
