O pasado mes de de abril celebrouse na sede do Círculo de Empresarios de Galicia (Vigo) a sétima edición do salón Galicia Market Place, un encontro destinado a mostrar, a través das nosas empresas e iniciativas emprendedoras, o futuro do sector agro-mar galego. Entre as empresas participantes atopábase a pobrense CONGALSA, que intercambiou experiencias e propostas con outros profesionais do sector agro-marítimo-alimentario ao longo dunha xornada de charlas, mesas redondas, coloquios e demostracións.
Nesta edición púxose o foco en factores decisivos do éxito empresarial como o traballo, a innovación ou a fortaleza do sector pesqueiro galego; e fomentouse tamén o consumo dos produtos deste sector, referente económico na nosa terra.
Falando de innovación no sector, tecnoloxía, iniciativas empresariais e novos negocios o evento contou coa presenza da directora TIC de CONGALSA Noemí Gil Santos, quen interveu nunha mesa redonda con Paloma Rueda (directora do Centro Tecnolóxico do Mar), Sergio García Gil (xerente de Capitán Alga) e Santiago Cabaleiro (director da Agrupación Industrial de Acuicultura). Na mesa, Noemí Gil fixo un percorrido pola experiencia da Pobra do Caramiñal no camiño da Industria 4.0, a través do proxecto de fábrica intelixente e sustentábel de CONGALSA. A empresa tamén ofreceu aos asistentes catas dos seus principais produtos ao longo de toda a xornada en diferentes showcookings.
