O Consello Local de Pesca reuniuse esta mañá no consistorio ribeirense a instancias das confrarías e o sector do arrastre, preocupados polo risco de perda de postos de traballo por mor da política europea de restricións na pesca de fondo.
O Consello decidiu respaldar as iniciativas do Sindicato Europeo de Pesca (I.T.F.), de resultas do cal convócanse en Ribeira unha serie de actos na defensa dos postos de traballo do sector pesqueiro que
terán lugar na tarde do próximo martes 9 de maio.
Así, ás 19.30 haberá unha charla informativa no salón de actos da rula, en tanto que ás 20 horas terá lugar unha concentración no porto diante desta instalación na que se quere convidar a que se sume a maior xente posible.
