Boiro recibe ao alumnado de Sevilla que participa na formación de mercadotecnia dixital de Paideia

11 Maio 2023

O alcalde de Boiro, José Ramón Romero, recibiu na mañá deste xoves 11 de maio ao alumnado de intercambio de Sevilla no marco da acción formativa de Marketing Dixital e Cooperativismo que desenvolven a Escola de Organización Industrial (EOI) e a Fundación Paideia e coa que colabora o Concello de Boiro.

O programa formativo, que se desenvolve de maneira presencial nos municipios de Boiro, Noia, Outes e Lousame, está dirixido a menores de 30 anos en situación de desemprego. Os alumnos participantes nas distintas edicións desta formación en todo o territorio realizan mobilidades e esta semana está na comarca o alumnado do programa formativo de Sevilla para coñecer diferentes iniciativas de éxito en todo o territorio.

O alcalde, José Ramón Romero, animou ao alumnado xa que “a formación para o emprego é algo fundamental que vos vai axudar a mellorar as vosas competencias no eido laboral e vos vai abrir oportunidades de cara ao futuro nun eido tan puxante e demandado como é o do marketing dixital”.

O programa é gratuíto e desenvolvese entre os meses de febreiro e xuño, ademais das saídas a outras cidades de España para coñecer casos de éxito no sector da nova mercadotecnia (marketing) e o cooperativismo, conta con 200 horas de formación presencial. A formación está a ser impartida por recoñecidos profesionais das ditas materias referentes a nivel galego e nacional.

Outros artigos

Publicidade

Revista en papel

Opinión

“A vivenda” – José Manuel Pena

“A vivenda” – José Manuel Pena

É un ben de mercado para o negocio particular ou un dereito básico, fundamental e humano, como pode ser a educación, a sanidade, a prestación por desemprego ou a xubilación? A vivenda, en Galicia e no resto de España, continúa sendo un negocio e un ben de...

“A forza da gratitude”. Luís Celeiro

“A forza da gratitude”. Luís Celeiro

Daquela, hai algo máis de cincuenta anos, algúns dos aldeáns e aldeás das aldeas de Lugochegaban ao Instituto para abrir as portas do futuro, pechadas a cal e canto para os fillos daMariña, para os das montañas da Fonsagrada, dos Ancares, do Courel e da Lóuzara...