Este venres 2 de xuño comezan en Boiro as actividades do ciclo Aventuras e letras, actividade divulgativa, científica, investigadora, cultural e igualitaria para a rapazada local de tres anos en adiante. En concerto, arrincarán no Centro Social de Escarabote (Biblioteca) a partir das das 17.30 horas, co obradoiro Indagando no fondo mariño.
O ciclo Aventuras e letras, que inclúe narracións orais e actividades lúdicas e investigadoras para as crianzas, prosegue ao día seguinte na Biblioteca da Casa da Cultura da Cachada, na vila de Boiro, cun contacontos para nenas e nenos de 5 a 7 anos.
O venres 9 proseguirán as narracións orais en Escarabote (tamén pola tarde na Biblioteca) e o sábado 10 celebrarase en A Cachada unha actividade para tirar abaixo prexuízos e estereotipos de xénero: Ponte na miña roupa, xogo de roles en igualdade. En Cabo de Cruz celebrarase na Biblioteca a xincana Desafíos salvaxes, o 15 de xuño tamén pola tarde. Organiza o Concello de Boiro. As inscricións cómpre facelas na web municipal.
