Unha tarde solleira. Un día, sinalado no calendario, como festivo autonómico. Centenares de persoas gozando nas rúas: pais, avós, fillo e netos, asolagaban coa súa presenza, a alameda, a zona nova e o centro histórico da cidade.
A pesar de todo, na biblioteca da facultade reinaba o silencio e a concentración de decenas de novos estudantes. Eles non entenden de festividades nin de lecer, cando se aproximan as datas dos exames.
Esforzo e dedicación son as máxima primordiais. Poder finalizar a carreira cun bo expediente académico é o obxectivo da maioría. De xeito paradoxal todos coñecen as saídas profesionais, a precariedade do mercado de traballo e os seus baixos salarios. Non perden a esperanza. Ánimo.
