O pleno extraordinario do xoves de Rianxo aprobou provisionalmente o novo plan xeral de ordenación municipal (PXOM) de Rianxo, un documento que iniciou a súa andaina no ano 2011 e que por fin verá a luz grazas aos dez votos a favor do equipo de goberno (BNG e PSOE), posto que os catro concelleiros do PP, Rianxo en Común e Cidadáns rexeitaron a proposta. O Plan ten que contar co visto e prace definitivo a Xunta.
O alcalde recoñeceu que este documento é o resultado do traballo de anteriores corporacións e o resultado é que por fin se deixarán de usar as normas subsidiarias que rexían desde o ano 1985. Outro dos obxectivos da novo PXOM é que tentou buscar un equilibrio entre os rural e o urbano.
Entre as principais novidades deste plan urbanístico está que abre a posibilidade de construír un total de 3.594 vivendas ao longo dos próximo 15 anos. Delas, 2.137 estarían en chan urbano, e 1.457 en rural.
O alcalde Adolfo Muíños, que peche o seu mandato de xeito defintivo xa que nons e presenta á reelección, considera que coa aprobación deste documento deuse un gran paso «para avanzar de maneira firme» no futuro do municipio rianxeiro.
