Non será ata o próximo mandato e cunha nova corporación cando o Concello de Ribeira teña ordenanza reguladora das tarifas do estacionamento do Centenario e do regulamento de réxime interno.
Todos los partidos da oposición (PBBI, PSoe, BNG e Suma Ribeira) cuestionaron a celebración dunha sesión extraordinaria para debater estes puntos en plena campaña electoral, ao mesmo tempo que criticaron que desde o executivo non se lles consultou sobre as tarifas que pretendía establecer para este servizo público, nin como pretendía xestionar o persoal.
O alcalde, Manuel Ruiz, explicou que houbo unha consulta previa sen ningunha alegación, e que este pleno era un trámite para que ambos os documentos saísen un mes a exposición pública.
