A Aula CeMIT do Concello de Boiro oferta novos cursos formativos para o mes de xuño: un total de tres, a disposición da cidadanía, das empresas e dos profesionais. As inscricións están abertas e poden facerse na propia Aula CeMIT do Centro Social de Boiro. As actividades programadas para este mes de xuño xirarán arredor do programa de facturación e xestión empresarial Factusol (a impartir entre o luns 5 e o xoves 13 en horario de 10.00 a 13.00 horas); a xestión das redes sociais e o concepto de community management (entre os días luns 14 e xoves 22 de xuño en horario de 10.00 a 13.00 horas); e a folla de cálculo Calc, que será entre o 26 e 29 de xuño de 10.00 a 12.30 horas.
As inscricións están abertas e pódense facer na propia Aula CeMIT, mediante o enderezo electrónica axentetic@boiro.org ou nos teléfonos 981 84 26 35 ou 629 769 139.
