Despois dos incendios en catro palmeiras situadas no paseo da praia de Coroso, esta madrugada as chamas queimaron tres contedores no barrio de Martín.
O suceso rexistrouse preto das seis menos vinte da madrugada, cando unha patrulla da Policía Local e outra dos bombeiros de Ribeira compareceron no lugar dos feitos alertados do incendio de tres recipientes.
A presenza de numerosas bolsas de lixo fóra dos contedores facilitou a propagación do lume, que calcinou totalmente una das estruturas e minguou os dous restantes, deixándoas inutilizables.
A principal hipótese que se contempla é que o incendio foi provocado, polo que se trataría do segundo acto vandálico desta índole que se rexistra en menos dunha semana.
