O Concello de Rianxo vai celebrar ao grande a festividade deste luns 1 de maio (Día do Traballo), homenaxeando a un colectivo que lle toca de preto: o da xente do mar. A axenda de actividades inclúe unha ofrenda floral (ás 11.30 horas), no parque Galicia e na honra das persoas falecidas e afogadas no mar, con acompañamento musical do Grupo de Gaitas Río de Anxo. Algo máis tarde, ás 12.00, está previsto realizar unha ofrenda floral marítima a carón da Capela de San Bartolomeu, cunha misa cantada a cargo da Coral Abraia en homenaxe a todas as persoas que deixaron a vida no mar.
