Dous homes encerelláronse nunha pelexa despois dunha persecución en coche polo centro urbano de Ribeira. A disputa tivo lugar nas proximidades da casa do concello, por mor de que parece que entre os dous implicados existían contas pendentes.
O suceso comezou cunha persecución en coche entre ambos os individuos, que percorreron as rúas paralelas á praza do Concello ribeirense chegando a unha liorta despois de que os turismos sufrisen un choque por alcance.
Debido a elo un dos homes baixou do coche armado cun pau de madeira mentres que o outro o fixo sen ningún tipo de ferramenta. Como concecuencia da pelexa un dos individuos recibiu feridas no rostro. A pelexa obrigou a intervir a efectivos das policías local e nacional.
A disputa tivo lugar nas proximidades da casa do concello de Ribeira
