A Corporación boirense debaterá no vindeiro pleno a adscrición da Casa do Mar de Cabo de Cruz para poder rehabilitar o edificio, adecualo a levar a cabo nel actividades para fins sociais, culturais e de ocio. Segundo lembra o grupo do Goberno, “na actualidade o uso do inmoble está en mans da Tesourería Xeral da Seguridade Social e, con esta adscrición, pasaría a mans do Concello durante un período de 20 anos”.
O Concello de Boiro fai saber tamén que a Administración local mercou o edificio da Casa do Mar de Cabo de Cruz, situado no Porto e no ano 1986 cedeuno ao Instituto Social de la Marina (ISM) por un período mínimo de 30 anos. O ultimo uso que tivo o edificio foi o de consultorio e na actualidade atópase “sen actividade e nun estado de degradación”.
O obxectivo deste proposta é “recuperar a actividade e que o edificio poida ser de uso e desfrute da veciñanza”.
Para iso proponse para o seu debate e aprobación no vindeiro pleno a solicitude ao Ministerio de la Seguridad Social de adscrición da Casa do Mar de Cabo de Cruz en favor do Concello de Boiro e poder levar a cabo obras para a rehabilitación e uso do inmóbel.
