O Concello de Boiro está a executar as rozas nas estradas e vieiros que cada ano se levan a cabo antes do comezo da época estival. Os traballos execútanse en vías, pistas e camiños municipais de xeito mecánico e manual para adaptarse ás necesidades e características de cada espazo.
Segundo informou o Concello, os traballos de roza realízanse de xeito periódico dúas veces ao ano, de xeito prioritario en aqueles lugares que poden supoñer un perigo por motivos de visibilidade, tanto para condutores como para peóns, así como para a prevención de lumes.
