Xa podemos anotarvos nas visitas guiadas e nas rutas de sendeirismo programadas pola Área de Cultura de Noia para esta Semana Santa. Son, en palabras do Concello, unha serie de propostas ideais para coñecer distintos emprazamentos da nosa vila e datos culturais e históricos sobre ela. A axenda comeza este mércores 5 de abril, cun itinerario para coñecer Pedrachán e A Chaínza, con saída dende o Museo do Mar ás 11.00 horas. Proseguirán os días vindeiros con visitas guiadas polos monumentos da vila (o xoves, o venres e o sábado) e cunha ruta de sendeirismo o domingo 9 de abril.
