Este mércores 26 de abril o Centro Social de Boiro vai acoller unha nova sesión do programa Espazo Familias, a terceira das sesións previstas esta tempada. Espazo Familias é unha iniciativa de obradoiros destinados a proxenitores, preadolescentes e adolescentes desenvolvida pola comunidade educativa de Boiro sobre a mellora da comunicación familiar. A nova cita será ás 18.00 horas no Centro Social.
As sesións de traballo do Espazo Familias de Boiro están a ser impartidas por Anabel Mosquera (pedagoga, formadora e experta en adiccións), Jaime Bello (educador social) e Alba Pérez (educadora social e directora de Exeria). O programa conta coa colaboración do Concello de Boiro.
