Enrique Paisal recibiu onte pola noite na súa Palmeira natal o aplauso unánime do público
congregado no porto con motivo da representación de “Unha noite eira do trigo”: musical homenaxe ao mítico grupo Los Tamara do que aquel tomou parte dende a súa fundación.
A actuación, a cargo de La Ocaband con Pepo Suevos como actor- presentador, estivo adscrita á programación do Abril dos Libros do Concello, reunindo a máis douscentos espectadores pese ao tempo
inclemente. Entre eles, o alcalde Manuel Ruiz, quen dedicou unhas palabras ao pianista, quen foi tamén director da Coral Municipal e do Conservatorio.
Saxofón en Oleiros
E, precisamente a iniciativa do Conservatorio ‘Enrique Paisal’, onte pola noite tamén tivo lugar un concerto do profesorado da Aula Galego de Saxofón no Centro Social de Oleiros. Actuaron Xabier
Casal e Carlos Ordóñez. Entre o público asistente estivo a concelleira de Educación, Juana Brión.
