A moza Carmen Pérez é a aposta do candidatura do Partido Popular para representar as demandas da veciñanza de Olveira na próxima Corporación 2023-2027. Este mércores 5 de abril foi presentada nun acto no restaurante Casa Vilas que reuniu a numeroso público e no que a aspirante a edil estivo respaldada na mesa por Manuel Ruiz, María Sampedro e Elvira Pereira.
Carmen Pérez expresou o seu desexo de traballar pola parroquia “por unha Olveira mellor” e púxose a disposición dos veciños para escoitar as súas demandas. Ademais, tivo palabras de eloxio para Elvira Pereira, a cal manifestou que aínda que non estará de concelleira na próxima Corporación, seguirá apoiando a Manuel Ruiz e a Carmen Pérez no que faga falta.
Ruiz Rivas, pola súa banda, fixo un repaso pola situación do Concello e as dificultades derivadas de traballar cuns orzamentos desactualizados correspondentes a un ano de pandemia como o 2021.
Con esta última son catro as novidades por agora dadas a coñecer pola formación que lidera Manuel Ruiz cara ás eleccións municipais do 28 de maio.
Anteriormente, foron presentados Álex Vidal por Castiñeiras, Estrella Franco por Corrubedo e Vicente Reiriz por Artes.
