Barbanza celebra o Día da República reivindicando ás persoas represaliadas pola ditadura en Lousame e en Rianxo

08 Abril 2023

Baixo o lema Día da República, non des a esquecemento a Comisión pola Recuperación da Memoria Histórica da Barbanza, coa colaboración do Concello de Rianxo, do Concello de Lousame e da Deputación da Coruña, vai organizar unha serie de actos para reivindicar a memoria de todos aqueles que loitaron contra a ditadura e o fascismo na nosa comarca. As actividades, encadradas na celebración do Día da República (14 de abril), celebraranse o sábado 15 en dous concellos do Barbanza: en Lousame (no Monumento do Confurco, obra do artista ribeirense Gonzalo Sarasquete) e en Rianxo (no Auditorio Municipal).

A primeira das actividades previstas desenvolverase como dixemos no Confurco (Lousame), coa tradicional ofrenda floral no Monumento ás Vítimas do Franquismo. O acto inclúe un recital poético e unha actuación musical de Uxía Moares. A cita conmemorativa dará comezo ás 18.00 horas.

Algo máis tarde, ás 20.00 horas, a Comisión pola Recuperación da Memoria Histórica da Barbanza trasladarase á Sala Arcos Moldes do Auditorio de Rianxo. O evento contará coa presentación de A represión no Barbanza (1936-1958), unha publicación escrita por Xoán Fernández Callón, que aborda a represión sufrida polas persoas republicanas na rexión durante os anos da Guerra Civil e a posguerra.

Ademais, realizarase o nomeamento da persoa republicana de honra 2023, en recoñecemento á súa labor e dedicación na defensa dos valores republicanos e na recuperación da memoria histórica. O evento conta coa colaboración do Concello de Rianxo, do Concello de Lousame e da Deputación da Coruña.

A celebración do Día da República é un momento de reflexión e homenaxe a todas as persoas que loitaron pola defensa da democracia e da liberdade durante a Guerra Civil e a posguerra. A Comisión pola Recuperación da Memoria Histórica da Barbanza convida á comunidade a participar nestes actos e a manter vivo o recordo dos acontecementos que marcaron a historia da nosa terra.

Outros artigos

A Pobra do Caramiñal mostra xa ao Valle-Inclán máis íntimo

A cesión de obxectos persoais e mobiliario do Pazo da Mercé onde residiu o autor, xunto á súa biblioteca persoal, completa a colección do seu museo na localidade coruñesa. O pleno do concello da Pobra do Caramiñal aprobaba esta mesma semana unha corrección de erros...

+

Publicidade

Revista en papel

Opinión

“Oporto”. Alberto Barciela

“Oporto”. Alberto Barciela

Oporto puede seguirse en el sentido serpenteante de un río, o en la vertical de un océano, ascenderse o descenderse por meandros encajados en calles que a veces semejan acantilados, que siempre se precipitan hacia agua, una urbe universal cerca del tiempo que le tocó...